Op nijjiersdei wurdt tradysjegetrou in prachtich nijjiersspektakel organisearre op it iisbaanterrein. Begjin it jier goed en doch mei! Opjaan kin op op de baan.
1 jannewaris 2025 – Safier yn ‘t nije jier! –> ferpleatst nei 4 jannewaris
De alternative nijjiersdûk op de iisbaan yn Warkum is sûnt 2019 al in aardige tradysje oan it wurden. Nei de earste edysje mei in koarte baanwedstriid sûnder iis, waard der ûnder oare noch fytsend, flot en ‘skotske rinnend’ it nije jier yngien. Op 1 jannewaris 2025 stiet ‘safier yn ’t nije jier’ op it programma. Betink foarôf dyn ferwachte ôfstân. Dyn winske of meibrochte opblaasattribuut (luchtbêd, rubberboat of -krokodil) wurdt op dy ôfstân yn it wetter lein. Nim in grutte oanrin en besykje om op dyn ‘floaty’ te lânjen. Dejinge mei de fierste ôfstân wint! En fansels is der wer in orizjinaliteitspriis foar it moaiste gehiel.
31 desimber – Oefenje mei fierspringen op de merk & Team Wybe
Fan freed 27 o/m tiisdei 31 desimber rint Team Wybe by de 11 stêden del om dizze yn it ljocht te setten, spesjaal foar elkenien dy’t mei kanker te krijen hân hat. It doel is om safolle mooglik jild op te heljen foar kankerûndersyk. De missy is hoop, treast en krêft biede. Under de tocht kin elkenien yn elke stêd in persoanlik berjocht achterlitte en mei kuierje. Foar mear ynformaasje, sjoch op www.teamwybe.nl. Sy ferwachtsje op 31 desimber middeis om de klok fan twa oere hinne yn Warkum te wêzen en hoopje dan op in soad oanwêzigen op de Merk. Dêr wol IJsclub & Buitensport harren by helpe troch fan 13.30 oant 14.30 oere in aktiviteit op de Merk te organisearjen. En wol yn de foarm fan in oefenronde fierspringen op it drûge, sadatst foar 1 jannewaris al in goede ynskatting hast fan de te beheljen ôfstân. Fansels setst dyn ôfstân op sneintemiddei noch wat skerper. Omdat de organisaasje wer rekkenet op in dielname lykas 1 jannewaris fan dit jier, is it gjin lúkse om wat ekstra opblaasattributen te hawwen. Dus hast thús noch wat lizzen, nim it âldjiersmiddei mei nei de Merk. Neist dat sy yn de lêste kilometers op nei Boalsert, wol wat oanmoediging brûke kinne, is it ek in goed momint om noch efkes te donearjen! Hast noch ideeën om jild yn te sammeljen, lit dy net efterwege en kom ek spontaan mei aksjes nei de Merk. Bist op âldjiersdei net yn de gelegenheid om nei Merk te kommen? Op nijjiersdei op de iisbaan is der ek noch in mooglikheid om te donearjen en online kin it fan no ôf al fia de webside van Team Wybe.
Foto’s
2025: Safier yn ‘t nije jier! Wiep Visser, Workum.nl & Jenny Bouma, Workum.nl
2024: Skotske rinnend it nije jier yn! Jenny Bouma, Workum.nl & Wiep Visser, Workum.nl
2023: Flot it nije jier yn! Jenny Bouma, Workum.nl
